آمان دنیا الیندن
اورکیم توتولاندا، بایاتیلار آچارلار، گؤزلریمن آغلایاندا، بایاتیلار اوودارلار. نه دئییم
بو دنیانین آجیماسیز حالیندان، گؤز یاشاردارن سازیندان
*
عزیزینم قان قوسام
قان اندرم قان قوسام
نئینیرم قیزیل تشتی
ایچینه من قان قوسام
*
آپارار تاتار منی
مین درده سالار منی
نامرد گلیب مرد اولماز
دشمنه ساتار منی
*
آراز آشاندا آغلار
کور قوووشاندا آغلار
بالالار آناسیندان
آیری دوشه نده آغلار
*
آغلارام اؤز گونومه
گولرم اؤز گونومه
فلک دوشسه الیمه
سالارام اؤز گونومه
*
No comments:
Post a Comment