ار يا آت ؟؟؟
ار ائوينده ائشيتديم
بير تازا سوزله ر گئنه
بير سوز دئديم باغيردی
مينيك وئرمه ره م سه نه
*
دئديم بايرامدير گئداخ
ائل طايفا ما گؤروشه
بايرام بوندان اوتوردور
هاوالار بير ده گيشه
*
حرمت ائيله بير آزجا
آغ بيرچه ک آغ ساققالا
بيزله ر گئده ريک قالار
ياخجي ليق بو دونيادا
*
دوسلوغو تازالياق
كدوره تده ن نه چيخار
تازا ائيلده كهنه درد
والله باغريمیسيخار
*
سویله دی چوخ دانيشما
ايشله ريمه قاريشما
هرنه دئسه م من سنه
نيه نولار سوروشما
*
دئديم پيس سوز دئمه ديم
بير خطا ائيله مه ديم
ايسته ديم كی بايرامدا
من ده گوروشه گئديم
*
باغيردی كی آرواد سان
ييغيش اوتوريئرينده
من بيرخانين اوغلويام
مينيک وئرمه ره م سه نه
*
كيشی اوتوران يئرده
آرواد هئچ واقت دانيشماز
صاحابينين ايشينه
هئچ بير زامان قاريشماز
*
اونون بو سؤزله رينده ن
گؤزوم چيخدی كلله مه
آممان اوره گيم دئدی
داها هئچ بير سؤز دئمه
*
گئنه ده كي دؤزمه ديم
بير داها ديله گه لديم
ته زده ن باغيردی منه
قورخوسوندان تيتره ديم
*
دئديم آخير نازلی يار
البت پاشا و خانسان
مينيک وئرمه ک ده نه دير
معوذ بالله آتسان ؟
*
بير داها باغيراندا
قلمه ته كين اسديم
نه يالان كی ته پيكده ن
قورخوب سه سيمی كه سديم
*
آمان الله بير آتنان
وصلت ائيله ميشه م من ؟
گؤزوم چه لپه شيك گوروب ؟
خطا ائيله ميشه م من ؟
*
بير آتيلان آدامين
يئر گؤی قه ده ر فرقي وار
ايندی آنلاديم هله
گؤره جه ک گونله ريم وار
*
بئيله ياريم آداما
من نئجه سؤز قانديريم ؟
ياخجی پيسين فرقينی
آخ نئجه بس آنديريم ؟
*
الغرض آی خانيملار
يازديم كی اوخويار سيز
خانيملارين دردينی
سيز ياخجی آنليار سيز
No comments:
Post a Comment