سووقت
بیر نئچه گون قورتولورسان ، بو غربتین هاواسیندان
گئنه وطن تورپاغینا، گئدیرسن خوش حالین اولسون
بو اتاق بو دؤرد دوواردان، سویوق قانلی اینسانلاردان
بو غربتین آجی سیندان، قاچیرسان خوش حالین اولسون
یار و یولداشین گؤرورسن، آناوین الین اؤپورسن
وطنی طواف ائدیرسن، زیارتین قبول اولسون
*
سووقه ت نه ایستیرسن دئدین ، سیفاریش وئریم گلنده
تبریزیمین تورپاغیندان ، بیر اوووج گتیر گلنده
یار و یولداشدان آنامدان ، قوهوم قونشودان آتامدان
مدرسه شاگیردلاریمدان ، بیر خبر گتیر گلنده
تربیت بازارا گئتسه ن ، شیشه گرخانادان کئچسه ن
بوز شووه ره ن شربتیندن ، بیر ایسکان گتیر گلنده
سیخیلدیم قیش هاواسیندان ، هم شاختا همی قاریندان
وطنین باهار یاییندان ، بیر آزجا گتیر گلنده
*
شهربانو( قایاقیزی )
No comments:
Post a Comment